امیر تیمور لنگ کون

ﺍﻣﯿﺮ ﺗﯿﻤﻮﺭ ﺟﻮ ‏( ﺗﻤﺮ ﻟﯿﻦ ‏) ﺗﯿﻤﻮﺭ ﻟﻨﮓ ﮐﮯ ﻧﺎﻡ ﺳﮯ ﺑﮭﯽ ﻣﺸﮩﻮﺭ ﺗﮭﺎ ‏( ﭘﯿﺪﺍﺋﺶ : 1336 ﺀ، ﻭﻓﺎﺕ 1405 : ﺀ ‏) ﺗﯿﻤﻮﺭﯼ ﺳﻠﻄﻨﺖ ﮐﺎ ﺑﺎﻧﯽ ﺍﻭﺭ ﺍﯾﮏ ﺗﺎﺭﯾﺦ ﻋﺎﻟﻢ ﮐﺎ ﺍﯾﮏ ﻋﻈﯿﻢ ﺟﻨﮕﺠﻮ ﺣﮑﻤﺮﺍﻥ ﺗﮭﺎ۔ ﺗﯿﻤﻮﺭ ﮐﮯ ﺍﺳﺘﺎﺩ ﮐﺎ ﻧﺎﻡ ﻋﻠﯽ ﺑﯿﮓ ﺗﮭﺎ ﮐﮩﺎ ﺟﺎﺗﺎ ﮨﮯ ﮐﮧ ﺍﺳﺘﺎﺩ ﻋﻠﯽ ﺑﯿﮓ ﺍﭘﻨﮯ ﻃﺎﻟﺐ ﻋﻠﻤﻮﮞ ﮐﻮﺳﺒﻖ ﯾﺎﺩ ﮐﺮﺍﻧﮯ ﮐﮯ ﻟﺌﮯ ﮈﻧﮉﮮ ﮐﺎ ﺍﺳﺘﻌﻤﺎﻝ ﮐﺮﺗﮯ ﺗﮭﮯ ﻟﯿﮑﻦ ﺍﻧﮩﻮﮞ ﻧﮯ ﮐﺒﮭﯽ ﺑﮭﯽ ﺗﯿﻤﻮﺭ ﮐﻮ ﻧﮩﯿﮟ ﻣﺎﺭﺍ ﮐﯿﻮﻧﮑﮧ ﺗﯿﻤﻮﺭ ﮨﻤﯿﺸﮧ ﺍﭘﻨﺎ ﺳﺒﻖ ﯾﺎﺩ ﮐﺮﻟﯿﺘﺎ ﺗﮭﺎ۔ﺍﯾﮏ ﺩﻥ ﻋﻠﯽ ﺑﯿﮓ ﻧﮯ ﺗﯿﻤﻮﺭ ﮐﮯ ﻭﺍﻟﺪ ﮐﻮ ﺑﻼ ﮐﺮ ﮐﮩﺎ ﮐﮧ ﺍﺱ ﺑﭽﮯ ﮐﯽ ﻗﺪﺭ ﺟﺎﻥ ﯾﮧ ﻧﺎ ﺻﺮﻑ ﺫﮨﯿﻦ ﺍﻭﺭ ﺩﻭﺳﺮﮮ ﺑﭽﻮﮞ ﺳﮯ ﺑﮩﺖ ﺁﮔﮯ ﮨﮯ ﺑﻠﮑﮧ ﺍﺱ ﻣﯿﮟ ﻧﺎﻗﺎﺑﻠﮧ ﯾﻘﻨﯿﻦ ﺻﻼﺣﯿﺘﯿﮟ ﮨﯿﮟ۔ ﺗﯿﻤﻮﺭ ﻧﮯ ﺗﯿﻦ ﺳﺎﻝ ﻣﯿﮟ ﻗﺮﺁﻥ ﺣﻔﻆ ﮐﺮﻟﯿﺎ ﺗﮭﺎ ﮔﻮﯾﺎ ﺻﺮﻑ ﺩﺱ ﺳﺎﻝ ﮐﯽ ﻋﻤﺮ ﻣﯿﮟ ﻭﮦ ﻗﺮﺁﻥ ﺣﺎﻓﻆ ﺑﻦ ﭼﮑﺎ ﺗﮭﺎ۔
ﺗﯿﻤﻮﺭ ﺍﯾﮏ ﺗﺮﮎ ﻗﺒﯿﻠﮯ ﺑﺮﻻﺱ ﺳﮯ ﺗﻌﻠﻖ ﺭﮐﮭﺘﺎ ﺗﮭﺎ ﺟﺲ ﮐﺎ
ﭼﻨﮕﯿﺰ ﺧﺎﻥ ﮐﮯ ﺧﺎﻧﺪﺍﻥ ﺳﮯ ﻗﺮﯾﺒﯽ ﺗﻌﻠﻖ ﺗﮭﺎ۔ ﺗﯿﻤﻮﺭﻟﻨﮓ ﮐﺎ ﺗﻌﻠﻖ ﺳﻤﺮﻗﻨﺪ ﺳﮯ ﺗﮭﺎ۔ ﻭﮦ ﺳﻤﺮﻗﻨﺪ ﮐﮯ ﻗﺮﯾﺐ ﺍﯾﮏ ﮔﺎﺅﮞ ’’ ﮐﯿﺶ ‘‘ ﻣﯿﮟ ﭘﯿﺪﺍ ﮨﻮﺍ۔ ﺍﺱ ﮐﮯ ﻭﺍﻟﺪﯾﻦ ﻣﻌﻤﻮﻟﯽ ﺩﺭﺟﮯ ﮐﮯ ﺯﻣﯿﻨﺪﺍﺭ ﺗﮭﮯ۔۔ ﺗﯿﻤﻮﺭ ﺩﺭﯾﺎﺋﮯ ﺟﯿﺤﻮﮞ ﮐﮯ ﺷﻤﺎﻟﯽ ﮐﻨﺎﺭﮮ ﭘﺮ ﻭﺍﻗﻊ ﺷﮩﺮ ﺳﺒﺰ ‏( ﺟﺲ ﮐﻮ ﮐﺶ ﺑﮭﯽ ﮐﮩﺘﮯ ﮨﯿﮟ ‏) 1336 ﺀ ﻣﯿﮟ ﭘﯿﺪﺍ ﮨﻮﺍ۔ ﯾﮧ ﻋﻼﻗﮧ ﺍﺱ ﻭﻗﺖ
ﭼﻐﺘﺎﺋﯽ ﺳﻠﻄﻨﺖ ﻣﯿﮟ ﺷﺎﻣﻞ ﺗﮭﺎ ﺟﻮ ﺯﻭﺍﻝ ﮐﯽ ﻣﻨﺎﺯﻝ ﻃﮯ ﮐﺮﺭﮨﯽ ﺗﮭﯽ۔ ﭼﻐﺘﺎﺋﯽ ﺣﮑﻤﺮﺍﻥ ﺑﮯ ﺑﺲ ﮨﻮﭼﮑﮯ ﺗﮭﮯ ﺍﻭﺭ ﮨﺮ ﺟﮕﮧ ﻣﻨﮕﻮﻝ ﺍﻭﺭ ﺗﺮﮎ ﺳﺮﺩﺍﺭ ﺍﻗﺘﺪﺍﺭ ﺣﺎﺻﻞ ﮐﺮﻧﮯ ﮐﮯ ﻟﺌﮯﺍﯾﮏ ﺩﻭﺳﺮﮮ ﺳﮯ ﻟﮍﺭﮨﮯ ﺗﮭﮯ۔
ﺗﺨﺖ ﻧﺸﯿﻦ ﮨﻮﻧﮯ ﮐﮯ ﺑﻌﺪ ﺍﺱ ﻧﮯ ﺻﺎﺣﺐ ﻗﺮﺍﻥ ﮐﺎ ﻟﻘﺐ ﺍﺧﺘﯿﺎﺭ ﮐﯿﺎ۔ ‏( ﻋﻠﻮﻡ ﻧﺠﻮﻡ ﮐﯽ ﺭﻭ ﺳﮯ ﺻﺎﺣﺐ ﻗﺮﺍﻥ ﻭﮦ ﺷﺨﺺ ﮐﮩﻼﺗﺎ ﮨﮯ ﺟﺲ ﮐﯽ ﭘﯿﺪﺍﺋﺶ ﮐﮯ ﻭﻗﺖ ﺯﮨﺮﮦ ﺍﻭﺭ ﻣﺸﺘﺮﯼ ﯾﺎ ﺯﺣﻞ ﺍﻭﺭ ﻣﺸﺘﺮﯼ ﺍﯾﮏ ﮨﯽ ﺑﺮﺝ ﻣﯿﮟ ﮨﻮﮞ۔ ﺍﯾﺴﺎ ﺷﺨﺺ ﺍﻗﺒﺎﻝ ﻣﻨﺪ، ﺑﮩﺎﺩﺭ ﺍﻭﺭ ﺟﺮﯼ ﺳﻤﺠﮭﺎ ﺟﺎﺗﺎ ﮨﮯ ﻣﺠﺎﺯﺍ ﺍﭘﻨﮯ ﺩﻭﺭ ﮐﺎ ﻋﻈﯿﻢ ﺗﺮﯾﻦ ﺣﮑﻤﺮﺍﻥ ‏) ۔
ﺗﯿﻤﻮﺭ ﻧﮯ ﺍﭘﻨﯽ ﺯﻧﺪﮔﯽ ﻣﯿﮟ 42 ﻣﻠﮏ ﻓﺘﺢ ﺋﮯ۔ ﻭﮦ ﺩﻧﯿﺎ ﮐﮯ ﭼﻨﺪ ﻧﺎﺩﺭ ﻟﻮﮔﻮﮞ ﻣﯿﮟ ﺑﮭﯽ ﺷﺎﻣﻞ ﮨﻮﺗﺎ ﮨﮯ۔ﺗﯿﻤﻮﺭ ﮐﯽ ﺍﯾﮏ ﺧﺎﺹ ﺑﺎﺕ ﯾﮧ ﺗﮭﯽ ﮐﮧ ﻭﮦ ﺍﯾﮏ ﻭﻗﺖ ﻣﯿﮟ ﺍﭘﻨﮯ ﺩﻭﻧﻮﮞ ﮨﺎﺗﮭﻮﮞ ﺳﮯ ﮐﺎﻡ ﻟﮯ ﺳﮑﺘﺎ ﺗﮭﺎ۔ ﻭﮦ ﺍﯾﮏ ﮨﺎﺗﮫ ﻣﯿﮞﺘﻠﻮﺍﺭ ﺍُﭨﮭﺎﺗﺎ ﺗﮭﺎ ﺍﻭﺭ ﺩﻭﺳﺮﮮ ﮨﺎﺗﮫ ﻣﯿﮟ ﮐﻠﮩﺎﮌﺍ۔
ﻓﺘﻮﺣﺎﺕ
ﺑﻠﺦ ﻣﯿﮟ ﺗﺨﺖ ﻧﺸﯿﻦ ﮨﻮﻧﮯ ﮐﮯ ﺑﻌﺪ ﺗﯿﻤﻮﺭ ﻧﮯ ﺍﻥ ﺗﻤﺎﻡ ﻋﻼﻗﻮﮞ ﺍﻭﺭ ﻣﻠﮑﻮﮞ ﭘﺮ ﻗﺒﻀﮧ ﮐﺮﻧﺎ ﺍﭘﻨﺎ ﺣﻖ ﺍﻭﺭ ﻣﻘﺼﺪ ﻗﺮﺍﺭ ﺩﯾﺎ ﺟﻦ ﭘﺮ ﭼﻨﮕﯿﺰ ﺧﺎﻥ ﮐﯽ ﺍﻭﻻﺩ ﺣﮑﻮﻣﺖ ﮐﺮﺗﯽ ﺗﮭﯽ۔ ﺍﺱ ﻏﺮﺽ ﺳﮯ ﺍﺱ ﻧﮯ ﻓﺘﻮﺣﺎﺕ ﺍﻭﺭ ﻟﺸﮑﺮ ﮐﺸﯽ ﮐﮯ ﺍﯾﺴﮯ ﺳﻠﺴﻠﮯ ﮐﺎ ﺁﻏﺎﺯ ﮐﯿﺎ ﺟﻮ ﺍﺱ ﮐﯽ ﻣﻮﺕ ﺗﮏ ﭘﻮﺭﮮ 37 ﺳﺎﻝ ﺟﺎﺭﯼ ﺭﮨﺎ۔ ﺗﯿﻤﻮﺭ ﮐﮯ ﺍﺑﺘﺪﺍﺋﯽ ﭼﻨﺪ ﺳﺎﻝ ﭼﻐﺘﺎﺋﯽ ﺳﻠﻄﻨﺖ ﮐﮯ ﺑﺎﻗﯽ ﻣﺎﻧﺪﮦ ﺣﺼﻮﮞ ﭘﺮ ﻗﺒﻀﮧ ﮐﺮﻧﮯ ﻣﯿﮟ ﺻﺮﻑ ﮨﻮﮔﺌﮯ۔ ﻭﮦ 776 ﮪ ﻣﯿﮟ ﮐﺎﺷﻐﺮ ﺍﻭﺭ 781 ﮪ ﻣﯿﮟ
ﺧﻮﺍﺭﺯﻡ ﭘﺮ ﻗﺎﺑﺾ ﮨﻮﮔﯿﺎ۔ ﺍﺱ ﮐﮯ ﺑﻌﺪ ﺍﺱ ﻧﮯ ﺧﺮﺍﺳﺎﻥ ﮐﺎ ﺭﺥ ﮐﯿﺎ۔ 1381 ﺀ ﺑﻤﻄﺎﺑﻖ 783 ﮪ ﻣﯿﮟ ﮨﺮﺍﺕ ﮐﮯ ﺧﺎﻧﺪﺍﻥ ﮐﺮﺕ ﮐﻮ ﺍﻃﺎﻋﺖ ﭘﺮ ﻣﺠﺒﻮﺭ ﮐﯿﺎ۔ ﺍﮔﻠﮯ ﺳﺎﻝ ﻧﯿﺸﺎﭘﻮﺭ ﺍﻭﺭ ﺍﺱ ﮐﮯ ﻧﻮﺍﺡ ﭘﺮ ﺍﻭﺭ 785 ﮪ ﻣﯿﮟ ﻗﻨﺪﮬﺎﺭ ﺍﻭﺭ ﺳﯿﺴﺘﺎﻥ ﭘﺮ ﻗﺒﻀﮧ ﮐﯿﺎ۔ 1386 ﺀ ﻣﯿﮟ ﺍﺱ ﻧﮯ ﺍﯾﺮﺍﻥ ﮐﯽ ﻣﮩﻢ ﮐﺎ ﺁﻏﺎﺯ ﮐﯿﺎ ﺟﻮ " ﯾﻮﺭﺵ ﺳﮧ ﺳﺎﻟﮧ " ﮐﮩﻼﺗﯽ ﮨﮯ ﺍﻭﺭ ﺍﺱ ﻣﮩﻢ ﮐﮯ ﺩﻭﺭﺍﻥ ﻣﺎﮊﻧﺪﺭﺍﻥ ﺍﻭﺭ ﺁﺫﺭﺑﺎﺋﺠﺎﻥ ﺗﮏ ﭘﻮﺭﮮ ﺷﻤﺎﻟﯽ ﺍﯾﺮﺍﻥ ﭘﺮ ﻗﺎﺑﺾ ﮨﻮﮔﯿﺎ ۔ﺍﺱ ﻣﮩﻢ ﮐﮯ ﺩﻭﺭﺍﻥ ﺍﺱ ﻧﮯ ﮔﺮﺟﺴﺘﺎﻥ ﭘﺮ ﺑﮭﯽ ﻗﺒﻀﮧ ﮐﯿﺎ۔
ﺭﻭﺱ ﮐﯽ ﻣﮩﻢ
1391 ﺀ ﻣﯿﮟ ﺗﯿﻤﻮﺭ ﻧﮯ ﺳﯿﺮ ﺍﻭﺭﺩﮦ ﯾﻌﻨﯽ ﺧﺎﻧﺪﺍﻥ ﺳﺮﺍﺋﮯ ﮐﮯ ﺧﺎﻥ ﺗﻮﻗﺘﻤﺶ ﮐﮯ ﺧﻼﻑ ﻟﺸﮑﺮ ﮐﺸﯽ ﮐﯽ ﺟﻮ ﻓﻮﺟﯽ ﻧﻘﻄﮧ ﻧﻈﺮ ﺳﮯ ﻓﻦ ﺣﺮﺏ ﮐﺎ ﺍﯾﮏ ﻋﻈﯿﻢ ﮐﺎﺭﻧﺎﻣﮧ ﺳﻤﺠﮭﯽ ﺟﺎﺗﯽ ﮨﮯ۔ ﺳﺮﺍﺋﮯ ﮐﮯ ﺧﺎﻥ ﺗﻮﻗﺘﻤﺶ ﮐﻮ ﺳﺎﺋﺒﯿﺮﯾﺎ ﮐﮯ ﺁﻕ ﺍﻭﺭﺩﮦ ﺧﺎﻧﺪﺍﻥ ﮐﮯ ﺣﮑﻤﺮﺍﻥ ﺍﺭﺱ ﺧﺎﻥ ﻧﮯ ﺗﺨﺖ ﺳﮯ ﺑﮯ ﺩﺧﻞ ﮐﺮﺩﯾﺎ ﺗﮭﺎ۔ ﺗﯿﻤﻮﺭ ﻧﮯ ﺗﻮﻗﺘﻤﺶ ﮐﯽ ﻣﺪﺩ ﮐﯽ ﺍﻭﺭ ﺍﺱ ﮐﻮ ﺩﻭﺑﺎﺭﮦ ﺗﺨﺖ ﺩﻻﺩﯾﺎ ﻟﯿﮑﻦ ﺗﻮﻗﺘﻤﺶ ﺧﻮﺍﺭﺯﻡ ﮐﻮ ﺍﭘﻨﯽ ﺳﻠﻄﻨﺖ ﮐﺎ ﺍﯾﮏ ﺣﺼﮧ ﺳﻤﺠﮭﺘﺎ ﺗﮭﺎ ﺍﺱ ﻟﯿﮯ ﺍﺱ ﻧﮯ ﺗﯿﻤﻮﺭ ﮐﺎ ﺍﺣﺴﺎﻥ ﻣﺎﻧﻨﮯ ﮐﮯ ﺑﺠﺎﺋﮯ ﺗﯿﻤﻮﺭ ﺳﮯ ﺧﻮﺍﺭﺯﻡ ﮐﯽ ﻭﺍﭘﺴﯽ ﮐﺎ ﻣﻄﺎﻟﺒﮧ ﮐﺮﺩﯾﺎ۔ ﺧﻮﺍﺭﺯﻡ ﺩﻭﻧﻮﮞ ﺣﮑﻤﺮﺍﻧﻮﮞ ﮐﮯ ﺩﺭﻣﯿﺎﻥ ﺍﯾﮏ ﻣﺴﺘﻘﻞ ﻧﺰﺍﻉ ﺑﻦ ﮔﯿﺎ ﺍﻭﺭ ﺍﺱ ﮐﻮ ﺣﺎﺻﻞ ﮐﺮﻧﮯ ﮐﮯ ﻟﯿﮯ ﺗﻮﻗﺘﻤﺶ ﺑﺎﺭ ﺑﺎﺭ ﺗﯿﻤﻮﺭﯼ ﻣﻤﻠﮑﺖ ﭘﺮ ﺣﻤﻠﮧ ﺁﻭﺭ ﮨﻮﺍ۔ ﮐﺒﮭﯽ ﺳﯿﺮ ﺩﺭﯾﺎ ﺍﻭﺭ ﺧﻮﺍﺭﺯﻡ ﮐﮯ ﺭﺍﺳﺘﮯ ﺍﻭﺭ ﮐﺒﮭﯽ
ﻗﻔﻘﺎﺯ ﺍﻭﺭ ﺁﺫﺭﺑﺎﺋﺠﺎﻥ ﮐﮯ ﺭﺍﺳﺘﮯ۔ ﺗﯿﻤﻮﺭ ﻧﮯ ﺗﻮﻗﺘﻤﺶ ﮐﯽ ﺳﺮﮐﻮﺑﯽ ﮐﮯ ﻟﯿﮯ ﺩﻭﻣﺮﺗﺒﮧ ﺭﻭﺱ ﭘﺮ ﻟﺸﮑﺮ ﮐﺸﯽ ﮐﯽ۔ ﺍﻥ ﻣﯿﮟ ﭘﮩﻠﯽ ﻟﺸﮑﺮ ﮐﺸﯽ 1391 ﺀ ﻣﯿﮟ ﺳﯿﺮ ﺩﺭﯾﺎ ﯾﻌﻨﯽ
ﺩﺭﯾﺎﺋﮯ ﺳﯿﺤﻮﮞ ﮐﮯ ﺭﺍﺳﺘﮯ ﮐﯽ ﮔﺌﯽ۔ ﺗﯿﻤﻮﺭ ﺍﭘﻨﮯ ﻋﻈﯿﻢ ﻟﺸﮑﺮ ﮐﻮ ﻗﺎﺯﻗﺴﺘﺎﻥ ﮐﮯ ﺭﺍﺳﺘﮯ ﺟﻨﻮﺑﯽ ﺍﺭﺗﺶ ﺍﻭﺭ ﯾﻮﺭﺍﻝ ﺗﮏ ﺑﮯ ﺁﺏ ﻭ ﮔﯿﺎﮦ ﻣﯿﺪﺍﻧﻮﮞ ﺍﻭﺭ ﺑﺮﻑ ﺯﺍﺭﻭﮞ ﺳﮯ ﮐﺎﻣﯿﺎﺑﯽ ﺳﮯ ﮔﺬﺍﺭ ﮐﺮ ﻟﮯ ﮔﯿﺎ ﺍﻭﺭ ﺩﺭﯾﺎﺋﮯ ﻗﻨﺪﺯﺟﮧ ﮐﮯ ﮐﻨﺎﺭﮮ ﻣﻮﺟﻮﺩﮦ ﺳﻤﺎﺭﮦ ﮐﮯ ﻗﺮﯾﺐ 18 ﺍﭘﺮﯾﻞ 1391 ﺀ ﮐﻮ ﺗﻮﻗﺘﻤﺶ ﮐﻮ ﺍﯾﮏ ﺧﻮﻧﺮﯾﺰ ﺟﻨﮓ ﻣﯿﮟ ﺷﮑﺴﺖ ﺩﯼ۔
ﺍﯾﺮﺍﻥ ﭘﺮ ﻟﺸﮑﺮﮐﺸﯽ
ﺗﯿﻤﻮﺭﯼ ﺳﻠﻄﻨﺖ 1405 ﺀ ﻣﯿﮟ، ﮔﻼﺑﯽ ﺣﻠﻘﮧ ﻣﻨﮕﻮﻝ ﺳﻠﻄﻨﺖ ﮐﻮ ﻇﺎﮨﺮ ﮐﺮﺗﺎ ﮨﮯ
ﺭﻭﺱ ﮐﯽ ﻣﮩﻢ ﺳﮯ ﻭﺍﭘﺴﯽ ﮐﮯ ﺑﻌﺪ ﺗﯿﻤﻮﺭ ﻧﮯ 1392 ﺀ ﻣﯿﮟ ﺍﯾﺮﺍﻥ ﻣﯿﮟ ﻧﺌﯽ ﻟﺸﮑﺮ ﮐﺸﯽ ﮐﺎ ﺁﻏﺎﺯ ﮐﯿﺎ ﺟﻮ " ﯾﻮﺭﺵ ﭘﻨﺞ ﺳﺎﻟﮧ " ﮐﮩﻼﺗﯽ ﮨﮯ۔ ﺍﺱ ﻣﮩﻢ ﮐﮯ ﺩﻭﺭﺍﻥ ﺍﺱ ﻧﮯ
ﮨﻤﺪﺍﻥ ، ﺍﺻﻔﮩﺎﻥ ﺍﻭﺭ ﺷﯿﺮﺍﺯ ﻓﺘﺢ ﮐﯿﺎ۔ ﺁﻝ ﻣﻈﻔﺮ ﮐﯽ ﺣﮑﻮﻣﺖ ﮐﺎ ﺧﺎﺗﻤﮧ ﮐﯿﺎ ﺍﻭﺭ ﺑﻐﺪﺍﺩ ﺍﻭﺭ ﻋﺮﺍﻕ ﺳﮯ ﺍﺣﻤﺪ ﺟﻼﺋﺮ ﮐﻮ ﺑﮯ ﺩﺧﻞ ﮐﯿﺎ۔ ﺍﺱ ﻃﺮﺡ ﻭﮦ ﭘﻮﺭﮮ ﺍﯾﺮﺍﻥ ﺍﻭﺭ ﻋﺮﺍﻕ ﭘﺮ ﻗﺎﺑﺾ ﮨﻮﮔﯿﺎ۔ ﺗﯿﻤﻮﺭ ﺍﯾﺮﺍﻥ ﮐﯽ ﻣﮩﻢ ﺳﮯ ﻓﺎﺭﻍ ﮨﻮﮐﺮ ﺍﺑﮭﯽ ﺗﺒﺮﯾﺰ ﻭﺍﭘﺲ ﮨﯽ ﺁﯾﺎ ﺗﮭﺎ ﮐﮧ ﺍﺱ ﮐﻮ ﺍﻃﻼﻉ ﻣﻠﯽ ﮐﮧ ﺗﻮﻗﺘﻤﺶ ﻧﮯ ﺩﺭﺑﻨﺪ ﮐﮯ ﺭﺍﺳﺘﮯ ﭘﺮ ﺣﻤﻠﮧ ﮐﺮﺩﯾﺎ ﮨﮯ۔ ﺗﯿﻤﻮﺭ ﻧﮯ ﺩﺭﯾﺎﺋﮯ ﺗﯿﺮﮎ ﮐﮯ ﮐﻨﺎﺭﮮ 18 ﺍﭘﺮﯾﻞ 1395 ﺀ ﮐﻮ ﺗﻮﻗﺘﻤﺶ ﮐﻮ ﺍﯾﮏ ﺍﻭﺭﺷﮑﺴﺖ ﻓﺎﺵ ﺩﯼ۔ ﺍﺳﮑﮯ ﺑﻌﺪ ﺗﯿﻤﻮﺭ ﻧﮯ ﭘﯿﺶ ﻗﺪﻣﯽ ﮐﺮﮐﮯ ﺳﯿﺮ ﺍﻭﺭﺩﮦ ﮐﮯ ﺩﺍﺭﺍﻟﺤﮑﻮﻣﺖ ﺳﺮﺍﺋﮯ ﮐﻮ ﺗﺒﺎﮦ ﻭ ﺑﺮﺑﺎﺩ ﮐﺮﺩﯾﺎ ﺍﻭﺭ ﺍﺱ ﮐﯽ ﺍﯾﻨﭧ ﺳﮯ ﺍﯾﻨﭧ ﺑﺠﺎﺩﯼ۔ ﺍﺱ ﻣﮩﻢ ﮐﮯ ﺩﻭﺭﺍﻥ ﺗﯿﻤﻮﺭ ﺍﺳﺘﺮﺍﺧﺎﻥ ، ﻣﺎﺳﮑﻮ ، ﮐﯿﻒ ﺍﻭﺭ ﮐﺮﯾﻤﯿﺎ ﮐﮯﺷﮩﺮﻭﮞ ﮐﻮ ﻓﺘﺢ ﮐﺮﺗﺎ ﺍﻭﺭ ﺗﺒﺎﮨﯽ ﭘﮭﯿﻼﺗﺎ ﮨﻮﺍ ﺑﺮﺍﺳﺘﮧ
ﻗﻔﻘﺎﺯ ، ﮔﺮﺟﺴﺘﺎﻥ ﺍﻭﺭ ﺗﺒﺮﯾﺰ 798 ﮪ ﻣﯿﮟ ﺳﻤﺮﻗﻨﺪ ﻭﺍﭘﺲ ﺁﮔﯿﺎ۔
ﮨﻨﺪﻭﺳﺘﺎﻥ ﭘﺮ ﺣﻤﻠﮧ
1398 ﺀ ﻣﯿﮟ ﺗﯿﻤﻮﺭ ﮨﻨﺪﻭﺳﺘﺎﻥ ﮐﻮ ﻓﺘﺢ ﮐﺮﻧﮯ ﮐﮯ ﺍﺭﺍﺩﮮ ﺳﮯ ﺭﻭﺍﻧﮧ ﮨﻮﺍ۔ ﻣﻠﺘﺎﻥ ﺍﻭﺭ ﺩﯾﭙﺎﻟﭙﻮﺭ ﺳﮯ ﮨﻮﺗﺎ ﮨﻮﺍ ﺩﺳﻤﺒﺮ
1398 ﺀ ﻣﯿﮟ ﺩﮨﻠﯽ ﭘﮩﻨﭽﺎ۔ ﺩﮨﻠﯽ ﮐﻮ ﻓﺘﺢ ﮐﺮﻧﮯ ﺍﻭﺭ ﻭﮨﺎﮞ ﻗﺘﻞ ﻋﺎﻡ ﮐﺮﻧﮯ ﮐﮯ ﺑﻌﺪ ﻭﮦ ﻣﯿﺮﭨﮫ ﮔﯿﺎ ﺍﻭﺭ ﻭﮨﺎﮞ ﺩﺭﯾﺎﺋﮯ ﺟﻤﻨﺎ ﮐﯽ ﺑﺎﻻﺋﯽ ﻭﺍﺩﯼ ﻣﯿﮟ ﮨﻨﺪﻭﺅﮞ ﮐﮯ ﻣﻘﺪﺱ ﻣﻘﺎﻡ
ﮨﺮﺩﻭﺍﺭ ﻣﯿﮟ ﻟﻮﮔﻮﮞ ﮐﺎ ﯾﮧ ﺳﻤﺠﮫ ﮐﺮ ﻗﺘﻞ ﻋﺎﻡ ﮐﯿﺎ ﮐﮧ ﮐﺎﻓﺮﻭﮞ ﮐﻮ ﻣﺎﺭ ﮐﺮ ﺛﻮﺍﺏ ﮐﻤﺎﯾﺎ ﺟﺎﺭﮨﺎ ﮨﮯ۔ ﺍﺱ ﺟﮕﮧ ﺗﯿﻤﻮﺭ ﮐﻮ ﺍﭘﻨﯽ ﺳﻠﻄﻨﺖ ﮐﯽ ﻣﻐﺮﺑﯽ ﺳﺮﺣﺪﻭﮞ ﺳﮯ ﺗﺸﻮﯾﺸﻨﺎﮎ ﺧﺒﺮﯾﮟ ﻣﻠﯿﮟ۔ ﺍﺣﻤﺪ ﺟﻼﺋﺮ ﺳﻠﻄﺎﻥ ﻣﺼﺮ ﮐﯽ ﻣﺪﺩ ﺳﮯ ﭘﮭﺮ ﺑﻐﺪﺍﺩ ﻭﺍﭘﺲ ﺁﮔﯿﺎ ﺗﮭﺎ ﺍﻭﺭ ﺍﺱ ﮐﮯﺍﻭﺭ ﻗﺮﮦ ﯾﻮﺳﻒ ﺗﺮﮐﻤﺎﻥ ﮐﮯ ﻭﺭﻏﻼﻧﮯ ﺳﮯ ﻋﺜﻤﺎﻧﯽ ﺳﻠﻄﺎﻥ ﺑﺎﯾﺰﯾﺪ ﯾﻠﺪﺭﻡ ﺍﻥ ﺳﺐ ﮐﮯ ﺳﺎﺗﮫ ﻣﻞ ﮐﺮ ﺗﯿﻤﻮﺭ ﮐﮯ ﺧﻼﻑ ﻣﺤﺎﺫ ﺑﻨﺎﺭﮨﺎ ﺗﮭﺎ ﭼﻨﺎﻧﭽﮧ ﺗﯿﻤﻮﺭ ﻓﻮﺭﺍ ﺳﻤﺮﻗﻨﺪ ﻭﺍﭘﺲ ﮨﻮﺍ۔
ﻓﺘﺢ ﺷﺎﻡ
1399 ﺀ ﻣﯿﮟ ﺗﯿﻤﻮﺭ ﺳﻤﺮﻗﻨﺪ ﺳﮯ ﺍﭘﻨﯽ ﺁﺧﺮﯼ ﺍﻭﺭ ﻃﻮﯾﻞ ﺗﺮﯾﻦ ﻣﮩﻢ ﭘﺮ ﺭﻭﺍﻧﮧ ﮨﻮﺍ۔ ﺗﺒﺮﯾﺰ ﭘﮩﻨﭻ ﮐﺮ ﺍﺱ ﻧﮯ ﺳﻠﻄﺎﻥ ﻣﺼﺮ ﮐﮯ ﭘﺎﺱ ﺳﻔﯿﺮ ﺑﮭﯿﺠﮯ ﺟﻦ ﮐﻮ ﻗﺘﻞ ﮐﺮﺩﯾﺎ ﮔﯿﺎ ﭼﻨﺎﻧﭽﮧ ﺗﯿﻤﻮﺭ ﺳﻠﻄﺎﻥ ﻣﺼﺮ ﮐﯽ ﺳﺮﮐﻮﺑﯽ ﮐﮯ ﻟﯿﮯ ﺭﻭﺍﻧﮧ ﮨﻮﺍ ﺟﻮ ﺍﺣﻤﺪ ﺟﻼﺋﺮ ﮐﯽ ﻣﺪﺩ ﺍﻭﺭ ﺣﻮﺻﻠﮧ ﺍﻓﺰﺍﺋﯽ ﮐﺮﺗﺎ ﺗﮭﺎ۔
ﺣﻠﺐ ، ﺣﻤﺎﮦ، ﺣﻤﺺ ﺍﻭﺭ ﺑﻌﻠﺒﮏ ﻓﺘﺢ ﮐﺮﺗﺎ ﮨﻮﺍ ﺩﻣﺸﻖ ﭘﮩﻨﭽﺎ ﺍﻭﺭ ﺣﺴﺐ ﺩﺳﺘﻮﺭ ﻟﻮﮔﻮﮞ ﮐﺎ ﻗﺘﻞ ﻋﺎﻡ ﮐﯿﺎ ﺍﻭﺭ ﺷﮩﺮ ﻣﯿﮟ ﺁﮒ ﻟﮕﺎﺩﯼ۔ ﺍﺱ ﮐﮯ ﺑﻌﺪ ﻭﮦ ﺑﻐﺪﺍﺩ ﺁﯾﺎ ﻟﯿﮑﻦ ﺍﺣﻤﺪ ﺟﻼﺋﺮ ﺍﺱ ﮐﮯ ﺑﻐﺪﺍﺩ ﭘﮩﻨﭽﻨﮯ ﺳﮯ ﭘﮩﻠﮯ ﮨﯽ ﻓﺮﺍﺭ ﮨﻮ ﭴﮑﺎ ﺗﮭﺎ۔
ﺟﻨﮓ ﺍﻧﻘﺮﮦ
ﺍﺱ ﺩﻭﺭﺍﻥ ﺳﻠﻄﺎﻥ ﺑﺎﯾﺰﯾﺪ ﯾﻠﺪﺭﻡ ﻧﮯ ﺍﺣﻤﺪ ﺟﻼﺋﺮ ﺍﻭﺭ ﻗﺮﮦ ﯾﻮﺳﻒ ﮐﯽ ﺗﺤﺮﯾﮏ ﭘﺮ ﺟﻮ ﺍﺱ ﮐﮯ ﭘﺎﺱ ﭘﻨﺎﮦ ﮔﺰﯾﻦ ﺗﮭﮯ،
ﺍﯾﺸﯿﺎﺋﮯ ﮐﻮﭼﮏ ﻣﯿﮟ ﺗﯿﻤﻮﺭﯼ ﻋﻼﻗﻮﮞ ﭘﺮ ﺣﻤﻠﮧ ﮐﺮﺩﯾﺎ۔ ﺗﯿﻤﻮﺭ ﻧﮯ ﺍﺧﺘﻼﻓﺎﺕ ﮐﻮ ﺧﻂ ﻭ ﮐﺘﺎﺑﺖ ﮐﮯ ﺫﺭﯾﻌﮯ ﺣﻞ ﮐﺮﻧﺎ ﭼﺎﮨﺎ ﻟﯿﮑﻦ ﺟﺐ ﺍﺱ ﻣﯿﮟ ﮐﺎﻣﯿﺎﺑﯽ ﻧﮧ ﮨﻮﺋﯽ ﺗﻮ ﺍﺱ ﻧﮯ
ﺳﻠﻄﻨﺖ ﻋﺜﻤﺎﻧﯿﮧ ﭘﺮ ﻟﺸﮑﺮ ﮐﺸﯽ ﮐﺮﺩﯼ۔ ﺳﯿﻮﺭﺱ ﮐﺎ ﺩﻓﺎﻉ ﮐﺮﻧﮯ ﻭﺍﻟﮯ 4 ﮨﺰﺍﺭ ﺳﭙﺎﮨﯿﻮﮞ ﮐﻮ ﺯﻧﺪﮦ ﺩﻓﻦ ﮐﺮﺩﯾﺎ۔ ﺑﺎﯾﺰﯾﺪ ﺍﺱ ﻭﻗﺖ ﻗﺴﻄﻨﻄﻨﯿﮧ ‏( ﺍﺳﺘﻨﺒﻮﻝ ‏) ﮐﮯﻣﺤﺎﺻﺮﮮ ﻣﯿﮟ ﻣﺼﺮﻭﻑ ﺗﮭﺎ۔ ﺗﯿﻤﻮﺭ ﮐﮯ ﺣﻤﻠﮯ ﮐﯽ ﺍﻃﻼﻉ ﻣﻠﯽ ﺗﻮ ﻣﺤﺎﺻﺮﮦ ﺍﭨﮭﺎﮐﺮ ﻓﻮﺭﺍ ﺍﻧﺎﻃﻮﻟﯿﮧ ﮐﯽ ﻃﺮﻑ ﺭﻭﺍﻧﮧ ﮨﻮﺍ۔ ﺍﻧﻘﺮﮦ ﮐﮯ ﻗﺮﯾﺐ 21 ﺟﻮﻻﺋﯽ 1402 ﺀ ﮐﻮ ﺩﻭﻧﻮﮞ ﮐﮯ ﺩﺭﻣﯿﺎﻥ ﻓﯿﺼﻠﮧ ﮐﻦ ﺟﻨﮓ ﮨﻮﺋﯽ ﺟﻮ ﺟﻨﮓ ﺍﻧﻘﺮﮦ ﮐﮯ ﻧﺎﻡ ﺳﮯ ﻣﺸﮩﻮﺭ ﮨﮯ۔ ﺑﺎﯾﺰﯾﺪ ﮐﻮ ﺷﮑﺴﺖ ﮨﻮﺋﯽ ﺍﻭﺭ ﻭﮦ ﮔﺮﻓﺘﺎﺭ ﮐﺮﻟﯿﺎ ﮔﯿﺎ ﻟﯿﮑﻦ ﺗﯿﻤﻮﺭ ﺍﺱ ﮐﮯ ﺳﺎﺗﮫ ﻋﺰﺕ ﻭ ﺍﺣﺘﺮﺍﻡ ﺳﮯ ﭘﯿﺶ ﺁﯾﺎ۔ ﯾﮧ ﺭ [[ ﺍﻭﺭ ﺍﺯﻣﯿﺮ ﺗﮏ ﺳﺎﺭﺍ ﺍﯾﺸﯿﺎﺋﮯ ﮐﻮﭼﮏ ﺍﺟﺎﮌ ﮈﺍﻻ۔ ﻣﺼﺮ ﮐﮯ ﻣﻤﻠﻮﮎ ﺳﻠﻄﺎﻥ ﮐﻮ ﺟﺐ ﺍﻃﻼﻉ ﻣﻠﯽ ﮐﮧ ﺗﯿﻤﻮﺭ ﻧﮯ ﺑﺎﯾﺰﯾﺪ ﺟﯿﺴﮯ ﻃﺎﻗﺘﻮﺭ ﺣﮑﻤﺮﺍﻥ ﮐﻮ ﺷﮑﺴﺖ ﺩﮮ ﮐﺮ ﮔﺮﻓﺘﺎﺭ ﮐﺮﻟﯿﺎ ﺗﻮ ﺳﻔﯿﺮ ﺑﮭﯿﺞ ﮐﻮ ﺗﯿﻤﻮﺭ ﮐﯽ ﺍﻃﺎﻋﺖ ﮐﺮﻟﯽ۔ ﻣﺼﺮ ﻣﯿﮟ ﺗﯿﻤﻮﺭ ﮐﮯ ﻧﺎﻡ ﮐﺎ ﺳﮑﮧ ﮈﮬﺎﻻ ﺍﻭﺭ ﻣﮑﮧ ﺍﻭﺭ ﻣﺪﯾﻨﮧ ﻣﯿﮟ ﺍﺱ ﮐﮯ ﻧﺎﻡ ﮐﺎ ﺧﻄﺒﮧ ﭘﮍﮬﻨﮯ ﮐﺎ ﺣﮑﻢ ﺩﯾﺎ۔
ﺍﻧﺘﻘﺎﻝ
ﺳﻤﺮﻗﻨﺪ ﻭﺍﭘﺲ ﺁﻧﮯ ﮐﮯ ﺑﻌﺪ ﺗﯿﻤﻮﺭ ﻧﮯ ﭼﯿﻦ ﭘﺮ ﺣﻤﻠﮯ ﮐﯽ ﺗﯿﺎﺭﯾﺎﮞ ﺷﺮﻭﻉ ﮐﺮﺩﯾﮟ۔ ﭼﯿﻦ ﻣﯿﮟ ﺍﯾﮏ ﺯﻣﺎﻧﮯ ﻣﯿﮟ
ﭼﻨﮕﯿﺰ ﺧﺎﻥ ﮐﯽ ﺍﻭﻻﺩ ﮐﮯ ﻗﺒﻀﮯ ﻣﯿﮟ ﺭﮦ ﭼﮑﺎ ﺗﮭﺎ ﺍﺱ ﻟﯿﮯ ﺗﯿﻤﻮﺭ ﺍﺱ ﭘﺮ ﺑﮭﯽ ﺍﭘﻨﺎ ﺣﻖ ﺳﻤﺠﮭﺘﺎ ﺗﮭﺎ۔ ﺍﺱ ﮐﮯﻋﻼﻭﮦ ﺗﯿﻤﻮﺭ ﮐﻔﺎﺭﺍﻥ ﭼﯿﻦ ﮐﮯ ﺧﻼﻑ ﺟﮩﺎﺩ ﮐﺮﮐﮯ ﺍﺱ ﺧﻮﻧﺮﯾﺰﯼ ﮐﯽ ﺗﻼﻓﯽ ﮐﺮﻧﺎ ﭼﺎﮨﺘﺎ ﺗﮭﺎ ﺟﺲ ﮐﺎ ﺷﮑﺎﺭ ﺍﺏ ﺻﺮﻑ ﻣﺴﻠﻤﺎﻥ ﮨﻮﺋﮯ ﺗﮭﮯ۔ ﺳﺮﺩﯾﺎﮞ ﺷﺒﺎﺏ ﭘﺮ ﺗﮭﯿﮟ ﺍﻭﺭ ﺗﯿﻤﻮﺭ ﺑﻮﮌﮬﺎ ﺗﮭﺎ۔
ﺳﯿﺮ ﺩﺭﯾﺎ ﮐﻮ ﭘﺎﺭ ﮐﺮﮐﮯ ﺟﻮ ﻣﻨﺠﻤﺪ ﮨﻮﭼﮑﺎ ﺗﮭﺎ ﺟﺐ ﻭﮦ ﺍﺗﺮﺍﺭ ﭘﮩﻨﭽﺎ ﺗﻮ ﺍﺱ ﮐﯽ ﻃﺒﯿﻌﺖ ﺧﺮﺍﺏ ﮨﻮﮔﺌﯽ ﺍﻭﺭ ﺍﺳﯽ ﺟﮕﮧ 18 ﻓﺮﻭﺭﯼ 1405 ﺀ ﮐﻮ ﺍﺱ ﮐﺎ ﺍﻧﺘﻘﺎﻝ ﮨﻮﮔﯿﺎ۔ ﺍﺱ ﮐﯽ ﻻﺵ
ﺳﻤﺮﻗﻨﺪ ﻻﮐﺮ ﺩﻓﻨﺎﺋﯽ ﮔﺌﯽ۔ ﻟﮍﺍﺋﯿﻮﮞ ﻣﯿﮟ ﺯﺧﻢ ﮐﮭﺎﻧﮯ ﮐﯽ ﻭﺟﮧ ﺳﮯ ﺗﯿﻤﻮﺭ ﮐﺎ ﺩﺍﯾﺎﮞ ﮨﺎﺗﮫ ﺷﻞ ﮨﻮﮔﯿﺎ ﺗﮭﺎ ﺍﻭﺭ ﺩﺍﺋﯿﮟ ﭘﺎﺅﮞ ﻣﯿﮟ ﻟﻨﮓ ﺗﮭﺎ۔ ﺍﺱ ﻟﯿﮯ ﻣﺨﺎﻟﻒ ﻣﻮﺭﺧﯿﻦ ﺍﺱ ﮐﻮ ﺣﻘﺎﺭﺕ ﺳﮯ ﺗﯿﻤﻮﺭ ﻟﻨﮓ ﻟﮑﮭﺘﮯ ﺗﮭﮯ۔
ﺗﯿﻤﻮﺭ ﺑﺤﯿﺜﯿﺖ ﻓﺎﺗﺢ ﺍﻭﺭ ﺣﮑﻤﺮﺍﻥ
ﻓﺘﻮﺣﺎﺕ ﮐﯽ ﻭﺳﻌﺖ ﮐﮯ ﻟﺤﺎﻅ ﺳﮯ ﺗﯿﻤﻮﺭ ﮐﺎ ﺷﻤﺎﺭ ﺳﮑﻨﺪﺭ ﺍﻋﻈﻢ ﺍﻭﺭ ﭼﻨﮕﯿﺰ ﺧﺎﻥ ﮐﮯ ﺳﺎﺗﮫ ﺩﻧﯿﺎ ﮐﮯ ﺗﯿﻦ ﺳﺐ ﺳﮯ ﺑﮍﮮ ﻓﺎﺗﺢ ﺳﭙﮧ ﺳﺎﻻﺭﻭﮞ ﻣﯿﮟ ﮨﻮﺗﺎ ﮨﮯ۔ ﻓﺘﻮﺣﺎﺕ ﮐﯽ ﮐﺜﯿﺮ ﻣﯿﮟ ﻭﮦ ﺷﺎﯾﺪ ﭼﻨﮕﯿﺰ ﺳﮯ ﺑﮭﯽ ﺑﺎﺯﯼ ﻟﮯ ﮔﯿﺎ۔ ﭼﻨﮕﯿﺰ ﮐﮯ ﻣﻔﺘﻮﺣﮧ ﻋﻼﻗﻮﮞ ﮐﺎ ﻃﻮﻝ ﻣﺸﺮﻕ ﺳﮯ ﻣﻐﺮﺏ ﺗﮏ ﺑﮩﺖ ﺯﯾﺎﺩﮦ ﺗﮭﺎ ﻟﯿﮑﻦ ﺷﻤﺎﻻ ﺟﻨﻮﺑﺎ ﻋﺮﺽ ﺗﯿﻤﻮﺭ ﮐﮯ ﻣﻘﺎﺑﻠﮯ ﻣﯿﮟ ﮐﻢ ﺗﮭﺎ۔ ﭘﮭﺮ ﭼﻨﮕﯿﺰ ﮐﯽ ﺳﻠﻄﻨﺖ ﮐﺎ ﺍﯾﮏ ﺑﮍﺍ ﺣﺼﮧ ﺍﺱ ﮐﮯ ﺳﭙﮧ ﺳﺎﻻﺭﻭﮞ ﻧﮯ ﻓﺘﺢ ﮐﯿﺎ ﺗﮭﺎ ﺟﺒﮑﮧ ﺗﯿﻤﻮﺭ ﺩﮨﻠﯽ ﺳﮯ
ﺍﺯﻣﯿﺮ ﺗﮏ ﺍﻭﺭ ﻣﺎﺳﮑﻮ ﺳﮯ ﺩﻣﺸﻖ ﺍﻭﺭ ﺷﯿﺮﺍﺯ ﺗﮏ ﮨﺮ ﺟﮕﮧ ﺧﻮﺩ ﮔﯿﺎ ﺍﻭﺭ ﮨﺮ ﺟﻨﮓ ﻣﯿﮟ ﺧﻮﺩ ﺷﺮﮐﺖ ﮐﯽ۔ ﭼﻨﮕﯿﺰﺟﻨﮓ ﮐﯽ ﻣﻨﺼﻮﺑﮧ ﺑﻨﺪﯼ ﺍﭼﮭﯽ ﮐﺮﺳﮑﺘﺎ ﺗﮭﺎ ﺟﺒﮑﮧ ﺗﯿﻤﻮﺭ ﻣﯿﺪﺍﻥ ﺟﻨﮓ ﻣﯿﮟ ﻓﻮﺟﻮﮞ ﮐﻮ ﻟﮍﺍﻧﮯ ﻣﯿﮟ ﺍﺳﺘﺎﺩ ﺗﮭﺎ۔ 1393 ﺀ ﻣﯿﮟ ﮐﻼﺕ ﺍﻭﺭ ﺗﮑﺮﯾﺖ ﮐﮯ ﻧﺎﻗﺎﺑﻞ ﺗﺴﺨﯿﺮ ﭘﮩﺎﮌﯼ ﻗﻠﻌﻮﮞ ﮐﯽ ﺗﺴﺨﯿﺮ ﺍﺱ ﮐﯽ ﺍﺱ ﺻﻼﺣﯿﺖ ﮐﺎ ﺑﮍﺍ ﺛﺒﻮﺕ ﺳﻤﺠﮭﯽ ﺟﺎﺗﯽ ﮨﮯ۔
‏( ﭼﻨﮕﯿﺰ ﺍﻭﺭ ﺗﯿﻤﻮﺭ ﮐﯽ ﺟﻨﮕﯽ ﺻﻼﺣﯿﺘﻮﮞ ﮐﮯ ﺗﻘﺎﺑﻞ ﮐﮯ ﻟﺌﮯﺩﯾﮑﮭﺌﮯ ﮨﯿﺮﻟﮉ ﻟﯿﻤﺐ ﮐﯽ ﮐﺘﺎﺑﯿﮟ " ﭼﻨﮕﯿﺰ ﺧﺎﻥ " ﺍﻭﺭ " ﺗﯿﻤﻮﺭ " ۔ ﺍﻥ ﺩﻭﻧﻮﮞ ﮐﺘﺎﺑﻮﮞ ﮐﺎ ﻣﻮﻟﻮﯼ ﻋﻨﺎﯾﺖ ﺍﻟﻠﮧ ﻧﮯ ﺍﺭﺩﻭ ﻣﯿﮟ ﺗﺮﺟﻤﮧ ﮐﯿﺎ ﮨﮯ ‏)
ﺗﯿﻤﻮﺭ ﮐﯽ ﺑﺤﯿﺜﯿﺖ ﺍﯾﮏ ﺳﭙﮧ ﺳﺎﻻﺭ ﺣﯿﺮﺕ ﺍﻧﮕﯿﺰ ﺻﻼﺣﯿﺘﻮﮞ ﺳﮯ ﺍﻧﮑﺎﺭ ﻧﮩﯿﮟ ﮐﯿﺎ ﺟﺎﺳﮑﺘﺎ ﻟﯿﮑﻦ ﺍﺱ ﻧﮯ ﺍﺱ ﺧﺪﺍﺩﺍﺩ ﺻﻼﺣﯿﺖ ﺳﮯ ﺟﻮ ﮐﺎﻡ ﻟﯿﺎ ﻭﮦ ﺍﺳﻼﻣﯽ ﺭﻭﺡ ﮐﮯ ﺧﻼﻑ ﺗﮭﺎ۔ ﺍﺱ ﮐﯽ ﺳﺎﺭﯼ ﻓﺘﻮﺣﺎﺕ ﮐﺎ ﻣﻘﺼﺪ ﺫﺍﺗﯽ ﺷﮩﺮﺕ ﺍﻭﺭ ﻧﺎﻣﻮﺭﯼ ﮐﮯ ﻋﻼﻭﮦ ﺍﻭﺭ ﮐﭽﮫ ﻧﮩﯿﮟ ﺗﮭﺎ۔ ﺍﺱ ﻟﺤﺎﻅ ﺳﮯ ﻭﮦ ﺧﺎﻟﺪ ﺑﻦ ﻭﻟﯿﺪ ، ﻣﺤﻤﻮﺩ ﻏﺰﻧﻮﯼ ، ﻃﻐﺮﻝ ﺍﻭﺭ ﺻﻼﺡ ﺍﻟﺪﯾﻦ ﺍﯾﻮﺑﯽ ﮐﮯ ﻣﻘﺎﺑﻠﮯ ﻣﯿﮟ ﭘﯿﺶ ﻧﮩﯿﮟ ﮐﯿﺎ ﺟﺎﺳﮑﺘﺎ۔ ﻭﮦ ﺍﻧﺘﻘﺎﻡ ﮐﮯ ﻣﻌﺎﻣﻠﮯ ﻣﯿﮟ ﺑﮩﺖ ﺳﺨﺖ ﺗﮭﺎ۔ ﻣﺨﺎﻟﻔﺖ ﺑﺮﺩﺍﺷﺖ ﻧﮩﯿﮟ ﮐﺮﺳﮑﺘﺎ ﺗﮭﺎ۔ ﻭﮦ ﻣﺴﻠﻤﺎﻥ ﮨﻮﻧﮯ ﮐﮯ ﺑﺎﻭﺟﻮﺩ ﺧﻮﻧﺮﯾﺰﯼ ﺍﻭﺭ ﺳﻔﺎﮐﯽ ﻣﯿﮟ ﭼﻨﮕﯿﺰ ﺧﺎﻥ ﺍﻭﺭ ﮨﻼﮐﻮ ﺧﺎﻥ ﺳﮯ ﮐﻢ ﻧﮩﯿﮟ ﺗﮭﺎ۔
ﺩﮨﻠﯽ ، ﺍﺻﻔﮩﺎﻥ ، ﺑﻐﺪﺍﺩ ﺍﻭﺭ ﺩﻣﺸﻖ ﻣﯿﮟ ﺍﺱ ﻧﮯ ﺟﻮ ﻗﺘﻞ ﻋﺎﻡ ﮐﺌﮯ ﺍﻥ ﻣﯿﮟ ﮨﺰﺍﺭﻭﮞ ﺑﮯ ﮔﻨﺎﮦ ﻣﻮﺕ ﮐﮯ ﮔﮭﺎﭦ ﺍﺗﺎﺭ ﺩﯾﺌﮯﮔﺌﮯ۔ ﻭﮦ ﺍﻧﺘﻘﺎﻡ ﮐﯽ ﺷﺪﺕ ﻣﯿﮟ ﺷﮩﺮ ﮐﮯ ﺷﮩﺮ ﮈﮬﺎﺩﯾﺘﺎ ﺗﮭﺎ۔ ﺧﻮﺍﺭﺯﻡ ، ﺑﻐﺪﺍﺩ ﺍﻭﺭ ﺳﺮﺍﺋﮯ ﮐﮯ ﺳﺎﺗﮫ ﺍﺱ ﻧﮯ ﯾﮩﯽ ﮐﯿﺎ۔ ﺻﺮﻑ ﻣﺴﺠﺪ، ﻣﺪﺭﺳﮯ ﺍﻭﺭﺧﺎﻧﻘﺎﮨﯿﮟ ﻏﺎﺭﺕ ﮔﺮﯼ ﺳﮯ ﻣﺤﻔﻮﻅ ﺭﮨﺘﯽ ﺗﮭﯿﮟ۔ ﺣﻘﯿﻘﺖ ﯾﮧ ﮨﮯ ﮐﮧ ﺍﺱ ﻣﻌﺎﻣﻠﮯ ﻣﯿﮟ ﻣﻨﮕﻮﻟﻮﮞ ﮐﯽ ﻃﺮﺡ ﻭﮦ ﺑﮭﯽ ﺍﻟﻠﮧ ﮐﺎ ﻋﺬﺍﺏ ﺗﮭﺎ۔
ﺗﯿﻤﻮﺭ ﻧﮯ ﺍﭘﻨﯽ ﻓﺘﻮﺣﺎﺕ ﺳﮯ ﮐﻮﺋﯽ ﻓﺎﺋﺪﮦ ﻧﮩﯿﮟ ﺍﭨﮭﺎﯾﺎ ﺍﻭﺭ ﮐﻮﺋﯽ ﺗﻌﻤﯿﺮﯼ ﮐﺎﻡ ﻧﮩﯿﮟ ﮐﯿﺎ۔ ﻣﻔﺘﻮﺣﮧ ﻣﻤﺎﻟﮏ ﮐﺎ ﺑﮍﺍ ﺣﺼﮧ ﺍﯾﺴﺎ ﺗﮭﺎ ﺟﺲ ﮐﻮﺍﺱ ﻧﮯ ﺍﭘﻨﯽ ﺳﻠﻄﻨﺖ ﮐﺎ ﺍﻧﺘﻈﺎﻣﯽ ﺣﺼﮧ ﻧﮩﯿﮟ ﺑﻨﺎﯾﺎ۔ ﺍﻥ ﻣﻠﮑﻮﮞ ﮐﺎ ﻭﮦ ﻣﻘﺎﻣﯽ ﺣﮑﻤﺮﺍﻧﻮﮞ ﮐﮯ ﺳﭙﺮﺩ ﮐﺮﺩﯾﺘﺎ ﺗﮭﺎ ﺍﻭﺭ ﺍﻥ ﺳﮯ ﺻﺮﻑ ﺍﻃﺎﻋﺖ ﮐﺎ ﻭﻋﺪﮦ ﻟﮯ ﮐﺮ ﻣﻄﻤﺌﻦ ﮨﻮﺟﺎﺗﺎ ﺗﮭﺎ۔ ﺍﺱ ﮐﺎ ﻧﺘﯿﺠﮧ ﯾﮧ ﮨﻮﺍ ﮐﮧ ﺍﯾﺸﯿﺎﺋﮯ ﮐﻮﭼﮏ ،
ﺷﺎﻡ ، ﺭﻭﺱ ﺍﻭﺭ ﮨﻨﺪﻭﺳﺘﺎﻥ ﮐﮯ ﻭﺳﯿﻊ ﻣﻔﺘﻮﺣﮧ ﻋﻼﻗﮯ ﺟﻮ ﺑﮍﯼ ﺧﻮﻧﺮﯾﺰﯼ ﮐﮯ ﺑﻌﺪ ﺣﺎﺻﻞ ﮨﻮﺋﮯ ﺗﮭﮯ ﺗﯿﻤﻮﺭﯼ ﺳﻠﻄﻨﺖ ﮐﺎ ﺣﺼﮧ ﻧﮧ ﺑﻦ ﺳﮑﮯ۔ ﺍﮔﺮ ﻭﮦ ﺍﻥ ﻣﻠﮑﻮﮞ ﮐﻮ ﺍﭘﻨﯽ ﺳﻠﻄﻨﺖ ﮐﺎ ﺍﻧﺘﻈﺎﻣﯽ ﺣﺼﮧ ﺑﻨﺎﻟﯿﺘﺎ ﺗﻮ ﺩﻧﯿﺎ ﮐﯽ ﺍﯾﮏ ﻋﻈﯿﻢ ﺍﻟﺸﺎﻥ ﺳﻠﻄﻨﺖ ﻭﺟﻮﺩ ﻣﯿﮟ ﺁﺗﯽ۔ ﺍﺱ ﻣﻌﺎﻣﻠﮯ ﻣﯿﮟ ﭼﻨﮕﯿﺰ ﺍﻭﺭ ﻣﻨﮕﻮﻝ ﺗﯿﻤﻮﺭ ﺳﮯ ﺑﮩﺘﺮ ﺗﮭﮯ ﮐﮧ ﻭﮦ ﺟﺲ ﻋﻼﻗﮯ ﮐﻮ ﻓﺘﺢ ﮐﺮﺗﮯ ﺗﮭﮯ ﺍﺱ ﮐﻮ ﺑﺮﺍﮦ ﺭﺍﺳﺖ ﺍﭘﻨﮯ ﺯﯾﺮ ﺍﻧﺘﻈﺎﻡ ﺑﮭﯽ ﻟﮯ ﺁﺗﮯ ﺗﮭﮯ۔ ﺍﺱ ﻧﮯ ﻗﻔﻘﺎﺯ ﮐﮯ ﻋﻼﻗﮯ ﻣﯿﮟ ﻟﻮﮔﻮﮞ ﮐﻮ ﺯﺑﺮﺩﺳﺘﯽ ﻣﺴﻠﻤﺎﻥ ﺑﻨﺎﻧﮯ ﮐﯽ ﮐﻮﺷﺶ ﺑﮭﯽ ﮐﯽ ﺟﻮ ﺍﺳﻼﻡ ﮐﯽ ﺭﻭﺡ ﺍﻭﺭ ﺗﻌﻠﯿﻢ ﮐﮯ ﺧﻼﻑ ﮨﮯ۔
ﺗﯿﻤﻮﺭ ﻧﮯ ﺗﻮﻗﺘﻤﺶ ، ﺑﺎﯾﺰﯾﺪ ﯾﻠﺪﺭﻡ ﺍﻭﺭ ﺳﻠﻄﺎﻥ ﻣﺼﺮ ﮐﻮ ﺷﮑﺴﺖ ﺩﮮ ﮐﺮ ﻋﺎﻟﻢ ﺍﺳﻼﻡ ﮐﯽ ﺩﻭ ﺑﮍﯼ ﻃﺎﻗﺘﻮﮞ ﮐﻮ ﺧﺘﻢ ﺗﻮ ﮐﺮﺩﯾﺎ ﻟﯿﮑﻦ ﺍﻥ ﮐﯽ ﻭﺟﮧ ﺳﮯ ﺟﻮ ﺧﻼ ﭘﯿﺪﺍ ﮨﻮﺍ ﺍﺱ ﮐﻮﭘﺮ ﻧﮧ ﮐﺮﺳﮑﺎ۔ ﺍﮔﺮ ﺑﺎﯾﺰﯾﺪ ﮐﯽ ﻃﺎﻗﺖ ﺧﺘﻢ ﻧﮧ ﮨﻮﺗﯽ ﺗﻮ ﺑﻠﻘﺎﻥ ﮐﺎ ﻋﻼﻗﮧ ﮈﯾﮍﮪ ﺳﻮ ﺳﺎﻝ ﭘﮩﻠﮯ ﻣﺴﻠﻤﺎﻧﻮﮞ ﮐﮯ ﻗﺒﻀﮯ ﻣﯿﮟ ﺁﭼﮑﺎ ﮨﻮﺗﺎ۔ ﺳﺮﺍﺋﮯ ﮐﯽ ﻣﻤﻠﮑﺖ ﮐﯽ ﺗﺒﺎﮨﯽ ﺑﮭﯽ ﺍﺳﻼﻣﯽ ﺩﻧﯿﺎ ﮐﮯ ﻟﯿﮯ ﺍﭼﮭﯽ ﺛﺎﺑﺖ ﻧﮧ ﮨﻮﺋﯽ۔ ﺳﺮﺍﺋﮯ ﮐﯽ ﻃﺎﻗﺘﻮﺭ ﻣﻤﻠﮑﺖ ﮐﮯ ﺧﺘﻢ ﮨﻮﻧﮯ ﺳﮯ ﻣﺎﺳﮑﻮ ﮐﯽ ﻧﺌﯽ ﻃﺎﻗﺖ ﺍﺑﮭﺮﻧﮯ ﮐﮯ ﻟﯿﮯ ﺭﺍﺳﺘﮧ ﺻﺎﻑ ﮨﻮﮔﯿﺎ۔ ﺗﯿﻤﻮﺭ ﻧﮯ ﺭﻭﺱ ﻣﯿﮟ
ﺗﻮﻗﺘﻤﺶ ﮐﮯ ﺧﻼﻑ ﺍﻭﺭ ﺍﯾﺸﯿﺎﺋﮯ ﮐﻮﭼﮏ ﺍﻭﺭ ﻣﺼﺮ ﻣﯿﮟ
ﺳﻠﻄﻨﺖ ﻋﺜﻤﺎﻧﯿﮧ ﺍﻭﺭ ﻣﻤﻠﻮﮐﻮﮞ ﮐﮯ ﺧﻼﻑ ﺟﻮ ﻟﺸﮑﺮ ﮐﺸﯽ ﮐﯽ ﺍﮔﺮﭼﮧ ﮨﻢ ﺍﺱ ﮐﺎ ﺍﻟﺰﺍﻡ ﺗﯿﻤﻮﺭ ﭘﺮ ﻧﮩﯿﮟ ﺭﮐﮫ ﺳﮑﺘﮯ ﮐﯿﻮﻧﮑﮧ ﺍﺱ ﻧﮯ ﺍﭘﻨﯽ ﻃﺮﻑ ﺳﮯ ﺻﻠﺢ ﻭ ﺻﻔﺎﺋﯽ ﺳﮯ ﻣﺴﺌﻠﮧ ﺣﻞ ﮐﺮﻧﮯ ﮐﯽ ﭘﻮﺭﯼ ﮐﻮﺷﺶ ﮐﯽ ﺗﮭﯽ، ﻟﯿﮑﻦ ﺍﻥ ﻟﺸﮑﺮ ﮐﺸﯿﻮﮞ ﮐﮯ ﻧﺘﯿﺠﮯ ﻣﯿﮟ ﺩﻧﯿﺎﺋﮯ ﺍﺳﻼﻡ ﮐﻮ ﺟﻮ ﻧﻘﺼﺎﻥ ﭘﮩﻨﭽﺎ ﺍﺱ ﺳﮯ ﺍﻧﮑﺎﺭ ﻧﮩﯿﮟ ﮐﯿﺎ ﺟﺎﺳﮑﺘﺎ۔
ﺍﺳﻼﻣﯽ ﺗﺎﺭﯾﺦ ﻣﯿﮟ ﺗﯿﻤﻮﺭ ﮐﺎ ﺩﻭﺭ ﺍﯾﮏ ﺑﺪﻧﻤﺎ ﺩﮬﺒﮧ ﮨﮯ۔ ﺍﺱ ﺩﻭﺭ ﻣﯿﮟ ﺩﻧﯿﺎ ﮐﻮ ﻓﺎﺋﺪﮦ ﮐﻢ ﺍﻭﺭ ﻧﻘﺼﺎﻥ ﺯﯾﺎﺩﮦ ﭘﮩﻨﭽﺎ۔ ﺷﺎﯾﺪ ﺍﺱ ﮐﯽ ﻭﺟﮧ ﯾﮧ ﺗﮭﯽ ﮐﮧ ﺗﯿﻤﻮﺭ ﮐﻮ ﻣﻨﺎﺳﺐ ﺍﺳﻼﻣﯽ ﺗﺮﺑﯿﺖ ﻧﮩﻴﮟ ﻣﻠﯽ ﺗﮭﯽ ﺍﻭﺭ ﺍﺱ ﮐﯽ ﻧﺸﻮﻭﻧﻤﺎ ﺗﻮﺭﮦ ﭼﻨﮕﯿﺰﯼ ﮐﯽ ﺣﺪﻭﺩ ﻣﯿﮟ ﺍﻭﺭ ﻧﯿﻢ ﻭﺣﺸﯽ ﻣﻨﮕﻮﻝ ﻣﺎﺣﻮﻝ ﻣﯿﮟ ﮨﻮﺋﯽ ﺗﮭﯽ۔
ﺑﮩﺮﺣﺎﻝ ﺍﺱ ﺣﻘﯿﻘﺖ ﺳﮯ ﺍﻧﮑﺎﺭ ﻧﮩﯿﮟ ﮐﯿﺎ ﺟﺎﺳﮑﺘﺎ ﮐﮧ ﺟﺲ ﻋﻼﻗﮯ ﻣﯿﮟ ﺗﯿﻤﻮﺭ ﻧﮯ ﺍﭘﻨﯽ ﻣﺴﺘﻘﻞ ﺣﮑﻮﻣﺖ ﻗﺎﺋﻢ ﮐﯽ ﻭﮨﺎﮞ ﺍﺱ ﻧﮯ ﻗﯿﺎﻡ ﺍﻣﻦ ﺍﻭﺭ ﻋﺪﻝ ﻭ ﺍﻧﺼﺎﻑ، ﺧﻮﺷﺤﺎﻟﯽ ﺍﻭﺭ ﺗﺮﻗﯽ ﮐﮯ ﺳﻠﺴﻠﮯ ﻣﯿﮟ ﻗﺎﺑﻞ ﻗﺪﺭ ﮐﻮﺷﺸﯿﮟ ﮐﯽ۔ ﺑﺮﺑﺎﺩ ﺷﺪﮦ ﺷﮩﺮﻭﮞ ﮐﻮ ﺩﻭﺑﺎﺭﮦ ﺗﻌﻤﯿﺮ ﮐﯿﺎ ﺍﻭﺭ ﺗﺠﺎﺭﺕ ﮐﻮ ﻓﺮﻭﻍ ﺩﯾﺎ۔
ﺳﻤﺮﻗﻨﺪ
ﺗﻔﺼﯿﻠﯽ ﻣﻀﻤﻮﻥ ﮐﮯ ﻟﯿﮯ ﺳﻤﺮﻗﻨﺪ ﺩﺍﺭﺍﻟﺴﻠﻄﻨﺖ ﺳﻤﺮﻗﻨﺪ ﭘﺮ ﺍﺱ ﻧﮯ ﺧﺎﺹ ﺗﻮﺟﮧ ﺩﯼ۔ ﮨﯿﺮﻟﮉ ﻟﯿﻤﺐ ﻟﮑﮭﺘﺎ ﮨﮯ ﮐﮧ ﺟﺲ ﻭﻗﺖ ﺳﻤﺮﻗﻨﺪ ﭘﺮ ﺗﯿﻤﻮﺭ ﮐﺎ ﺗﺴﻠﻂ ﮨﻮﺍ ﻭﮨﺎﮞ ﺳﻮﺍﺋﮯ ﮐﭽﮫ ﮐﭽﯽ ﺍﯾﻨﭩﻮﮞ ﺍﻭﺭ ﻟﮑﮍﯼ ﻣﮑﺎﻧﻮﮞ ﮐﮯ ﮐﭽﮫ ﺍﻭﺭ ﻧﮧ ﺗﮭﺎ ﻣﮕﺮ ﯾﮩﯽ ﮐﭽﯽ ﺍﯾﻨﭩﻮﮞ ﺍﻭﺭ ﻟﮑﮍﯼ ﮐﺎ ﺷﮩﺮ ﺗﯿﻤﻮﺭ ﮐﮯ ﮨﺎﺗﮭﻮﮞ ﻣﯿﮟ ﺁﮐﺮ ﺍﯾﺸﯿﺎ ﮐﺎ ﺭﻭﻡ ﺑﻦ ﮔﯿﺎ۔ ﻭﮦ ﮨﺮ ﻣﻔﺘﻮﺣﮧ ﻋﻼﻗﮯ ﺳﮯ ﺻﻨﺎﻋﻮﮞ، ﺩﺳﺘﮑﺎﺭﻭﮞ، ﻓﻨﮑﺎﺭﻭﮞ، ﻋﺎﻟﻤﻮﮞ ﺍﻭﺭ ﺍﺩﯾﺒﻮﮞ ﮐﻮ ﭘﮑﮍ ﭘﮑﮍ ﮐﺮ ﺳﻤﺮﻗﻨﺪ ﻟﮯ ﺁﯾﺎ ﺍﻭﺭ ﺍﭘﻨﮯ ﺩﺍﺭﺍﻟﺤﮑﻮﻣﺖ ﮐﻮ ﻧﮧ ﺻﺮﻑ ﺷﺎﻧﺪﺍﺭ ﻋﻤﺎﺭﺗﻮﮞ ﮐﺎ ﺷﮩﺮ ﺑﻨﺎﺩﯾﺎ ﺑﻠﮑﮧ ﻋﻠﻢ ﻭﺍﺩﺏ ﮐﺎ ﻣﺮﮐﺰ ﺑﮭﯽ ﺑﻨﺎﺩﯾﺎ۔ ﺍﭼﮭﯽ ﺑﺎﺕ ﯾﮧ ﮨﻮﺋﯽ ﮐﮧ ﺍﺱ ﮐﯽ ﺍﻭﻻﺩ ﻧﮯ ﺍﺱ ﮨﯽ ﮐﯽ ﺁﺧﺮﯼ ﺍﻟﺬﮐﺮ ﺭﻭﺍﯾﺎﺕ ﮐﻮ ﺍﭘﻨﺎﯾﺎ ﺟﺲ ﮐﯽ ﺑﺪﻭﻟﺖ ﻭﺳﻂ ﺍﯾﺸﯿﺎ ﮐﮯ ﺗﯿﻤﻮﺭﯼ ﺩﻭﺭ ﮐﻮ ﺗﺎﺭﯾﺦ ﻣﯿﮟ ﺍﯾﮏ ﻣﻤﺘﺎﺯ ﻣﻘﺎﻡ ﻣﻞ ﮔﯿﺎ۔
ﺗﯿﻤﻮﺭ ﻧﮯ ﺳﻤﺮﻗﻨﺪ ﮐﯽ ﺷﮩﺮ ﭘﻨﺎﮦ ﺩﺭﺳﺖ ﮐﯽ۔ ﺷﮩﺮ ﮐﮯ ﺩﺭﻭﺍﺯﻭﮞ ﺳﮯ ﻭﺳﻂ ﺷﮩﺮ ﮐﮯ ﺑﺎﺯﺍﺭ ﺭﺍﺱ ﺍﻟﻄﺎﻕ ﺍﻭﺭ ﺷﮩﺮ ﺳﮯ ﺩﺭﯾﺎ ﺗﮏ ﭼﻮﮌﯼ ﭼﻮﮌﯼ ﺳﮍﮐﯿﮟ ﺗﻌﻤﯿﺮ ﮐﺮﺍﺋﯿﮟ۔ ﺟﻨﻮﺏ ﮐﮯ ﭘﮩﺎﮌﻭﮞ ﭘﺮ ﻗﺎﺋﻢ ﻣﮑﺎﻧﺎﺕ ﮐﻮ ﮔﺮﺍ ﮐﺮ ﻗﻠﻌﮧ ﺗﻌﻤﯿﺮ ﮐﺮﺍﯾﺎ۔ ﺑﺎﻏﻮﮞ ﮐﮯ ﮔﺮﺩ ﺩﯾﻮﺍﺭﯾﮟ ﺍﻭﺭ ﺟﺎﺑﺠﺎ ﭘﺎﻧﯽ ﮐﮯ ﺗﺎﻻﺏ ﺑﻨﻮﺍﺋﮯ۔ ﺳﻤﺮﻗﻨﺪ ﮐﯽ ﻋﻤﺎﺭﺗﯿﮟ ﺍﺱ ﻭﻗﺖ ﺗﮏ ﺧﺎﮐﯽ ﺭﻧﮓ ﮐﯽ ﮨﻮﺗﯽ ﺗﮭﯿﮟ ﻟﯿﮑﻦ ﺍﺏ ﺩﺭﻭﺩﯾﻮﺍﺭ، ﺑﺮﺝ ﺍﻭﺭ ﮔﻨﺒﺪ ﻓﯿﺮﻭﺯﯼ ﺭﻧﮓ ﮐﮯ ﮨﻮﮔﺌﮯ ﺍﻭﺭ ﺍﺱ ﻻﺟﻮﺭﺩﯾﺮﻧﮓ ﮐﯽ ﻭﺟﮧ ﺳﮯ
ﺳﻤﺮﻗﻨﺪ ﮐﻮ ﮔﻮﮎ ﮐﻨﺪ ﯾﻌﻨﯽ ﻧﯿﻼﺷﮩﺮ ﮐﮩﺎ ﺟﺎﻧﮯﻟﮕﺎ۔ ﺗﯿﻤﻮﺭ ﮐﮯ ﺯﻣﺎﻧﮯ ﻣﯿﮟ ﺻﺮﻑ ﺍﺭﮎ ﮐﮯ ﻋﻼﻗﮯ ﮐﯽ ﺁﺑﺎﺩﯼ ﮈﯾﮍﮪ ﻻﮐﮫ ﺗﮭﯽ۔ ﯾﮧ ﻋﻼﻗﮧ ﻗﻠﻌﮧ ﺍﻭﺭ ﺍﺱ ﺳﮯ ﻣﺘﺼﻞ ﺗﮭﺎ۔ ﻣﻐﻞ ﺣﮑﻤﺮﺍﻥ ﺑﺎﺑﺮ ﺟﻮ ﺗﯿﻤﻮﺭ ﮐﮯ ﺍﻧﺘﻘﺎﻝ ﮐﮯ ﺍﯾﮏ ﺳﻮ ﺳﺎﻝ ﺑﻌﺪ ﺍﺱ ﻭﻗﺖ ﺳﻤﺮﻗﻨﺪ ﭘﮩﻨﭽﺎ ﺟﺐ ﻭﮦ ﺍﭘﻨﯽ ﻣﺎﺿﯽ ﮐﯽ ﺩﻟﮑﺸﯽ ﺑﮭﯽ ﮐﮭﻮﭼﮑﺎ ﺗﮭﺎ ﻟﯿﮑﻦ ﺍﺱ ﻧﮯ ﺍﭘﻨﯽ ﮐﺘﺎﺏ ﺗﺰﮎ ﺑﺎﺑﺮﯼ ﻣﯿﮟ ﺷﮩﺮ ﮐﺎ ﺣﺎﻝ ﮐﭽﮫ ﺍﺱ ﻃﺮﺡ ﻟﮑﮭﺎ ﮨﮯ :
" ﺳﻤﺮﻗﻨﺪ ﮐﯽ ﻣﺸﮩﻮﺭ ﺗﺮﯾﻦ ﻋﻤﺎﺭﺍﺕ ﻣﯿﮟ ﺍﻣﯿﺮ ﺗﯿﻤﻮﺭ ﮐﺎ ﻣﺤﻞ ﮨﮯ ﺟﻮ ﺍﺭﮎ ﺳﺮﺍﺋﮯ ﮐﮯ ﻧﺎﻡ ﺳﮯ ﻣﺸﮩﻮﺭ ﮨﮯ۔ ﻣﺤﻞ ﮐﮯ ﺑﻌﺪ ﯾﮩﺎﮞ ﮐﯽ ﺟﺎﻣﻊ ﻣﺴﺠﺪ ﺍﻭﻝ ﺩﺭﺟﮯ ﮐﯽ ﮨﮯ۔ ﺍﺱ ﮐﮯ ﭘﯿﺶ ﻃﺎﻕ ﭘﺮ ﻟﮑﮭﯽ ﮨﻮﺋﯽ ﺁﯾﺖ ﮐﺮﯾﻤﮧ " ﺍﺫ ﯾﺮﻓﻊ ﺍﺑﺮﺍﮬﯿﻢ ﺍﻟﻘﻮﺍﻋﺪ " ﺍﺱ ﻗﺪﺭ ﺟﻠﯽ ﺣﺮﻭﻑ ﻣﯿﮋﮞ ﮨﮯ ﮐﮧ ﺍﯾﮏ ﮐﻮﺱ ﺳﮯ ﭘﮍﮬﯽ ﺟﺎﺗﯽ ﮨﮯ۔ ﺍﻣﯿﺮ ﺗﯿﻤﻮﺭ ﮐﮯ ﺑﻨﺎﺋﮯ ﮨﻮﺋﮯ ﺩﻭ ﺑﺎﻍ ﺑﮭﯽ ﺳﻤﺮﻗﻨﺪ ﮐﮯ ﻋﺠﺎﺋﺒﺎﺕ ﻣﯿﮟ ﺳﮯ ﮨﯿﮟ۔
ﺍﻣﯿﺮ ﺗﯿﻤﻮﺭ ﮐﮯ ﻭﺍﺭﺛﻮﮞ ﻣﯿﮟ ﺳﮯ ﻣﺤﻤﺪ ﺳﻠﻄﺎﻥ ﻣﺮﺯﺍ، ﺍﻟﻎ ﺑﯿﮓ ﻣﺮﺯﺍ ﺍﻭﺭ ﺩﻭﺳﺮﻭﮞ ﻧﮯ ﺑﮭﯽ ﮐﺌﯽ ﻋﻤﺎﺭﺍﺕ ﺑﻨﻮﺍﻏﯿﮟ ﺟﻦ ﻣﯿﮟ ﺧﺎﻧﻘﺎﮦ ﺑﮍﯼ ﺍﮨﻤﯿﺖ ﺭﮐﮭﺘﯽ ﮨﮯ۔ ﺍﺱ ﮐﺎ ﮔﻨﺒﺪ ﺍﺗﻨﺎ ﺑﮍﺍ ﮨﮯ ﮐﮧ ﺩﻧﯿﺎ ﻣﯿﮟ ﺍﺱ ﮐﯽ ﮐﻮﺋﯽ ﻣﺜﺎﻝ ﻧﮩﯿﮟ۔ ﺧﺎﻧﻘﺎﮦ ﺳﮯ ﻣﻠﺤﻘﮧ ﻣﺪﺭﺳﮯ ﻣﯿﮟ ﮔﻮ ﺑﮩﺖ ﺳﯽ ﺧﻮﺑﯿﺎﮞ ﮨﯿﮟ ﻟﯿﮑﻦ ﺍﺱ ﮐﺎ ﺣﻤﺎﻡ ﺗﻮ ﭘﻮﺭﮮ ﺧﺮﺍﺳﺎﮞ ﺍﻭﺭ ﻣﺎﻭﺭﺍﺀ ﺍﻟﻨﮩﺮ ﻣﯿﮟ ﺍﭘﻨﯽ ﻣﺜﺎﻝ ﺁﭖ ﮨﮯ۔ ﻣﺪﺭﺳﮯ ﮐﮯ ﺟﻨﻮﺏ ﻣﯿﮟ ﻣﺴﺠﺪ ﻣﻨﻘﻄﻊ ﺑﮭﯽ ﺍﭘﻨﯽ ﺧﺼﻮﺻﯿﺖ ﮐﮯ ﻟﺤﺎﻅ ﺳﮯ ﻗﺎﺑﻞ ﺫﮐﺮ ﮨﮯ۔ ﭘﮩﺎﮌ ﮐﮯ ﺩﺍﻣﻦ ﻣﯿﮟ ﺍﯾﮏ ﺑﮍﯼ ﺭﺻﺪ ﮔﺎﮦ ﮨﮯ ﺟﮩﺎﮞ ﺍﻟﻎ ﺑﯿﮓ ﻧﮯ ﺯﯾﺮﭺ ﮔﻮﺭﮔﺎﻓﯽ ﻣﺮﺗﺐ ﮐﯽ۔ ﺳﻤﺮﻗﻨﺪ ﮐﯽ ﻗﺎﺑﻞ ﺫﮐﺮ ﻋﻤﺎﺭﺗﻮﮞ ﻣﯿﮟ ﭼﮩﻞ ﺳﺘﻮﻥ ﮐﯽ ﻋﻤﺎﺭﺕ ﺑﮭﯽ ﮨﮯ۔ ﺍﺱ ﻋﻤﺎﺭﺕ ﺳﮯ ﻣﺘﺼﻞ ﺍﯾﮏ ﻭﺳﯿﻊ ﺑﺎﻏﯿﭽﮧ ﮨﮯ ﺟﺲ ﻣﯿﮟ ﺍﯾﮏ ﻋﺠﯿﺐ ﻭ ﻏﺮﯾﺐ ﺑﺎﺭﮦ ﺩﺭﯼ ﺑﻨﯽ ﮨﮯ ﺟﺲ ﮐﺎ ﻧﺎﻡ ﭼﯿﻨﯽ ﺧﺎﻧﮧ ﮯ۔ ﺳﻤﺮﻗﻨﺪ ﮐﯽ ﺧﺼﻮﺻﯿﺎﺕ ﻣﯿﮟ ﺳﮯ ﺍﯾﮏ ﺧﺼﻮﺻﯿﺖ ﯾﮧ ﮨﮯ ﮐﮧ ﯾﮩﺎﮞ ﭘﺮ ﭘﯿﺸﮯ ﺍﻭﺭ ﺻﻨﻌﺖ ﮐﮯ ﺑﺎﺯﺍﺭ ﺍﻟﮓ ﺍﻟﮓ ﮨﯿﮟ۔ ﺳﻤﺮ ﻗﻨﺪ ﻣﯿﮟ ﺑﮩﺖ ﻧﻔﯿﺲ ﮐﺎﻏﺬ ﺗﯿﺎﺭ ﮨﻮﺗﺎ ﮨﮯ ﺟﺲ ﮐﯽ ﺳﺎﺭﯼ ﺩﻧﯿﺎ ﻣﯿﮟ ﻣﺎﻧﮓ ﮨﮯ